Monday, October 19, 2009

മാംസത്തെ പ്രണയിക്കുന്നവര്‍...


നിങ്ങള്‍ പ്രണയിച്ചത്‌,
ഈ മാംസത്തെ ആയിരുന്നോ?

പ്രണയസമ്മാനമായി,
പട്ടു സാരി തന്നു അണിയിചൊരുക്കുമ്പോള്‍;
വിശക്കാനാവാത്ത വിധം,
വയറു നിറചൂട്ടുമ്പോള്‍;
കിടന്നു പിടഞ്ഞ
ആശുപത്രി മുറിക്കു പുറത്തു-
അസ്വസ്തനായുലാത്തുമ്പോള്‍
നിങ്ങള്‍ പ്രണയിച്ചത്‌
ഈ മാംസത്തെ ആയിരുന്നോ?

അല്ലായിരുന്നു.

പക്ഷെ
ഈ മാംസക്കഷണം കൂടെ ഇല്ലാത്ത മാത്രയില്‍,
ദാഹാര്‍ത്തനായി നീ അലഞ്ഞതിന്നെന്തിനു???
ചിന്തകളും സ്വപ്നങ്ങളും നിന്നെ ചുറ്റി നിന്നിട്ടും,
എകാന്തനെന്നു നീ ചൊല്ലിയതെന്തിനു???

നീ പ്രണയിച്ചത്‌
ഈ മാംസത്തെ ആയിരുന്നോ???

പക്ഷെ,
ഈ മാംസത്തിനു മാത്രമായ്‌ ഒരു പ്രണയം വേണ്ട.
പ്രണയത്തിനു മാത്രമായി ഒരു മാംസവും വേണ്ട.

16 comments:

വല്യമ്മായി October 19, 2009 at 9:06 PM  

good lines

ഹരീഷ് തൊടുപുഴ October 20, 2009 at 6:53 AM  

നീ പ്രണയിച്ചത്‌
ഈ മാംസത്തെ ആയിരുന്നോ???

ആവില്ല എന്നാണെനിക്കു തോന്നുന്നത്..
എന്തെങ്കിലും തെറ്റിദ്ധാരണാജനകമയ തോന്നലുകളാകാം..


ആശംസകളോടെ..

കുമാരന്‍ | kumaran October 20, 2009 at 9:13 AM  

നല്ല നിരീക്ഷണം..

ആഗ്നേയ October 20, 2009 at 9:48 AM  

പ്രണയത്തെ എങ്ങനെ തിരിച്ചറിയാനാകും?മനസ്സും സ്വപ്നങ്ങളും മാത്രം ചേര്‍ത്തു വച്ചാല്‍ മതിയോ പ്രണയം പൂര്‍ണ്ണമാകാന്‍?ചേതന്‍ ഭഗത്തിന്റെ ഒരു തമാശ ഓര്‍മ്മ വരുന്നു..നീ പ്രണയിക്കുന്നത് എന്നെയല്ല എന്റെ ശരിരത്തെയാണ് എന്നു നായിക പിണങ്ങി നില്‍ക്കുമ്പോള്‍ രണ്ടും തമ്മില്‍ എന്താണു വ്യത്യാസം ഈ പെണ്ണുങ്ങളുടെ മനസ്സു തീരെ പിടികിട്ടുന്നില്ലല്ലോ എന്ന് സങ്കടപ്പെടുന്ന നായകന്‍.ഇരുവശത്തു നിന്നുമുള്ള കാഴ്ച്ചപ്പാടുകളുടെ അന്തരമാകാം.:)
നല്ല വരികള്‍..

കാട്ടിപ്പരുത്തി October 20, 2009 at 11:23 AM  

പ്രണയത്തില്‍ ശരീരത്തിനു വലിയ പങ്കുണ്ടല്ലോ!!

..::വഴിപോക്കന്‍[Vazhipokkan] | സി.പി.ദിനേശ് October 20, 2009 at 12:12 PM  

ചിലര്‍ക്ക് പ്രണയം മാത്രം മതി,
മറ്റു ചിലര്‍ക്ക് മാംസവും.
രണ്ടും ഒന്നിച്ചു കഴിക്കുന്നവര്‍ കൂടും ,
ഒന്നും വേണ്ടാത്തവരായി ആരും ഇല്ല!

കുറുപ്പിന്‍റെ കണക്കു പുസ്തകം October 20, 2009 at 4:21 PM  

ഈ മാംസത്തിനു മാത്രമായ്‌ ഒരു പ്രണയം വേണ്ട.
പ്രണയത്തിനു മാത്രമായി ഒരു മാംസവും വേണ്ട.

ആ വരികള്‍ കലക്കി, ആശയം നന്നായി. അല്ല സത്യത്തില്‍ ആരെയാണ് നമ്മള്‍ പ്രണയിക്കുന്നത്‌

the man to walk with October 20, 2009 at 5:32 PM  

മാംസത്തെ
പ്രണയിക്കാനാവുമോ ? കാമിക്കനല്ലേ ആവൂ
കവിത ഇഷ്ടായി :)

തണല്‍ October 20, 2009 at 6:21 PM  

നൂറ്റാണ്ടുകളായി
പ്രണയത്തേനില്‍ ഇട്ടു കുതിര്‍ത്ത മാംസം..
:)

ഭൂതത്താന്‍ October 21, 2009 at 12:06 AM  

നല്ല കവിത ..

Jyothi Sanjeev : October 21, 2009 at 3:23 PM  

valare nalla kavitha

അഭിജിത്ത് മടിക്കുന്ന് October 21, 2009 at 6:07 PM  

കുറെ നാളായി മനസ്സില്‍ കൊണ്ട് നടക്കുന്ന ആശയം.
ഇവിടെ കണ്ടതില്‍ സന്തോഷം.
നന്നായി അവതരിപ്പിച്ചു.ഭാവുകങ്ങള്‍!!

സന്തോഷ്‌ പല്ലശ്ശന October 22, 2009 at 4:21 PM  

ഒരു വരികള്‍ അംളം പോലെ... കരിമരുന്നു പോലെ ...

salas VARGHESE October 22, 2009 at 6:14 PM  

നമുക്കാരോടാണ് പ്രണയം?

നമുക്കു നമ്മോടു മാത്രം..

മഷിത്തണ്ട് (രാജേഷ്‌ ചിത്തിര) October 23, 2009 at 10:19 AM  

nalla varkal...

oru thirinju pokkinum, thala thirinja chinthakkum vazhi marunnidunnu...

ashamsakal..

chithrakaran:ചിത്രകാരന്‍ January 1, 2010 at 7:53 PM  

മാംസം വിലയുള്ളതാണെന്നും,
മാംസമാണു സ്നേഹമെന്നും,
സ്നേഹം മാംസമാണെന്നും
നമ്മെ വിശ്വസിപ്പിക്കുന്നത് വിപണിയാണ്.
അതായത് പുറത്തുനിന്നുള്ള
കച്ചവട താല്‍പ്പര്യമാണ്.
വിപണിയെ പടിക്കു പുറത്തു നിര്‍ത്താന്‍ കഴിയാത്ത
സമൂഹം വിലപിച്ചിട്ടു കാര്യമില്ല.
നാഥനില്ലാത്ത സമൂഹത്തിന്റെ വിധി !

  © Blogger template 'Fly Away' by Ourblogtemplates.com 2008

Back to TOP